哩个系转转盘，睇落去好新奇，不过唔係放调味料，係放“自调夏日饮品”嘅材料盒来架！

5元/位，6位起叫。入面有：青桔、薄荷叶、干柠檬、咸柑桔、蜂蜜，发挥自己嘅创意调一杯夏日解暑饮品啦！

哩几杯都放放咗唔同嘅配料，左边哩杯係“咸柑桔柠檬薄荷饮”，而右边哩杯（即系下边果杯）就係出自ME手嘅“清凉柠桔饮”啦！加咗少少蜂蜜落去，既简单又好饮！

哩款系“五香柚皮”，味道好浓、好多汁！就好似一块吸满水嘅海绵，咬落去即刻“吡”晒汁，好Q架！

柚皮仲有：化痰，消食，下气，快膈，治气郁胸闷，脘腹冷痛，食滞，咳喘，疝气等功效！

但係大肚婆（孕妇）同气虚者就忌食啦！

而哩款小食就係“凉拌青木瓜”啦！酸酸地，好爽口！餐前食好开胃！

哩款都係餐前小食“XO酱凉瓜青”。有少少辣，都係好开胃架！凉瓜清热消暑，最适合大热天食啦！

荷房出品嘅鸡次次都有惊喜，每个半月就出新菜，我最钟意食！今期哩款係“螺片捞鸡”，螺片就用白切、凉拌嘅方式处理，而鸡肉嘅就用手撕鸡嘅做法，鸡肉嫩滑，睇个样就知啦！上菜嘅时候已经香喷喷啦！果餐最快俾人铲晒嘅，就係哩碟鸡啦！

哩只係烧鸭，不过唔系一般嘅烧鸭，係用果木原只烧烤嘅BB鸭！脂肪少、肉嫩、骨软，係BB鸭嘅可口之处！而且鸭味好浓！

凉瓜焖蟹，都係荷房嘅特色菜！只肉蟹好大只，不过唔够分，我吃得一件咋（只蟹分咗9件）！

哗！哩个就够晒豪啦！原只椰青鸡炖翅！D翅汤炖到好浓，够晒火候！好味吖！

哩个就清好多啦！不过一样鲜味十足，浓汤豆腐鱼，有胜瓜、九吐、豆腐、摩芋丝、蕃茄等材料，饮番一啖全身暑气都散晒啦！

青鱼都系盐烧好！日式嘅做法，食前“吱”D新鲜柠檬汁食落特别香！

而哩条係“芒果鱼”！係用新鲜嘅泰皇芒果做架，同桂花鱼D肉质夹到绝吖！原来鱼同新鲜芒果係咁衬架！结果，条鱼就剩番D骨，芒果肉连汁一早俾我地班为食积瓜分晒咯！

哩款“辣子羊片”虽然辣辣地，不过好入味，羊肉又嫩滑，D鲜笋都好甜！

炒饭！中国人梗係要有米落肚啦！不过唔一定係煮嘅！就好似哩个“肉松炒饭”都好正啦！

怕热气？饮番杯柠水（可以自己调一杯）！

美食真系一浪接一浪！紫苏蒜蓉牛油焗扇贝，虽然上一排话D贝壳唔多掂，又哩样病又果样病，不过喺得荷房食饭，唔多唔少都定个心，起码有个信心保证先啦，唔似街边无牌又无良嘅档口仔。讲番份扇贝先，西式嘅做法真係有佢地自己嘅道理，讲唔清，食咗你就明啦~~

荔枝！我最钟意嘅荔枝！用咗来炒马友，鱼就其他人食晒，荔枝就唔好同我争啦！

超哥话，吃咁多荔枝最好饮番杯盐水，所以即场调咗杯咸柑桔，饮晒成杯，舒服晒！

菠萝馅嘅菠萝包就食得多啦，叉烧馅同芒果馅嘅菠萝包大家又试过未呢？我食到果个係叉烧馅嘅，当我想拣多个芒果馅试试嘅时候，碟包包已经俾人清晒啦！真係食得么冇鼻哥咯~~

睇下为食三宝笑晒口咁，就知道佢地对哩餐“盛夏的果实”好满意啦！

( 图 / Pancong、Think )
( 文 / Think )